Mvingu Ya Bantu: Dyambu Ya Ntete
Mvingu ya bantu kele nzila kepesa muswa na bantu na kunwana samuna mbote ya bawu, kimpwanza mpe ludedomo kondwa kusa-dila bungolo. Bantu ke kundima mvingu ke sadilaka ba nzila mingi mutindu kumanga kisalu, kumanga kusumba, kumanga kukwenda na ba nsinsani, kubasika samuna kutambula na ba nzila samu na kuzwa ba nsobolo na mambu ya makanda, ya politiki mpe ya kim-vwama. Kana mvingu ya bantu kele na ba nkumbu ya mutindu na mutindu nsasa kele kaka mosi.
Bimvuka ya mvingu ya bantu kekuzwa ngolo na kukota kintwadi ya bantu mingi. Na ntangu yina bantu kevanda kintwadi samuna kumanga mikwamusu ya bantu ya politiki mpe bake bwisa kimfumu ya bawu.Kana lutangu ya bantu kele na kukuma mingi ya ke vanda mpasi na kudiatisa kimfumu.Kana bantu mingi mekuzwa mukanu ya kumanga kuwa mfumu, kimfumu ke vanda na mpasi na kuzingila ya fwana kusoba to kubwa. Ata ba mfumu yina kele na binwanunu ya ngolo mpe mbongo mingi, kubwa samu na bantu mingi manga na kusadila bawu, bantu yango sadilaka ba nzila nyoso yina ya muvusu ya kutadia mpasi ve mpe kukanila kimfumu.
Translation: ICNC, July 2012
