Koboya ya bana mboka ezali mayele maye makopesaka na moto nionso epusa ya kobunda mpo ya bomoi bwa bango, bonsomi mpe bosembo, na kosalelaka bokasi te. Bato baye bakoyingela ontei ya koboya ya bana mboka ba kosalelaka mayele ndenge na ndenge, lokola kokata mosala, koboya kosomba biloko, milulu ya bato ebele mpe makambo masusu, mpo bazua ba mbonguana o bomoi bwa bato, o politiki mpe o nkita. Soki koboya ya bana mboka ezali na nkombo ndenge na ndenge o molongo-kobunda ya bitumba te, misala mia semba, mpifo ya bato ebele, kotelemela ya politiki mpe kosangisa bana mboka-bokasi bwa yango bozali se ndenge yoko.

Masanga ma koboya ya bana mboka makozuaka bokasi bwa yango soki bato bazui esika o milulu bazali ebele. Soki bato basangani mpo ya kotelemela boniokoli, koningisa bosembo boye batiaki na bayangeli. Soki motango mwa baboyi momati, ekokoma motuya mingi mpo ya koyangela. Soki bato mike bazui mokano mwa koboya kotosa, bokonzi bo kumela te : bokonzi bwango bosengeli kobonguana to kosila. Ata kutu bayangeli baye bazalaka na bibundeli makasi mpe na mbongo ebele bakueyaka sima koboya botosi eye esungamaka na bato ebele, ebandaka bongo na manaka ma kotia mobulu na bitumba te mpe ya kotelemela bakambi.

Civil Resistance: A First Look (booklet) (Lingala)
International Center on Nonviolent Conflict, 2011